Tom Cruise do të rikthehet si Ethan Hunt në “Mission: Impossible – The Final Reckoning,” i teti dhe ndoshta i fundit i serisë së famshme. Ky film pritet të shfaqet në kinema më 23 maj 2025 dhe mund të shënojë përfundimin e rrugëtimit të Cruise në këtë rol që e ka bërë të njohur ndërkombëtarisht që nga viti 1996.
Në filmin e mëparshëm, “Mission: Impossible – Dead Reckoning Part One”, Hunt dhe ekipi i tij përballen me një armë të fuqishme që kërcënon njerëzimin. Historia mbetet e pazgjidhur, dhe tani shikuesit janë në pritje të përfundimit të historisë. Christopher McQuarrie kthehet si regjisor, dhe bashkë me Cruise, do të jenë edhe aktorë të njohur si Hayley Atwell, Ving Rhames, Simon Pegg dhe Vanessa Kirby. Filmi do të sjellë edhe disa emra të rinj, duke përfshirë Hannah Waddingham dhe Nick Offerman.
Ky film është një vazhdim i drejtpërdrejtë i “Dead Reckoning Part One”, ku Hunt përballet me një inteligjencë artificiale të quajtur “The Entity.” Në fund të filmit, ai merr një çelës që i jep mundësi në këtë teknologji të fuqishme, duke lënë vend për një përballje përfundimtare.
Pavarësisht pritshmërive të mëdha, “Dead Reckoning Part One” nuk pati sukses të jashtëzakonshëm në arkat ndërkombëtare, për shkak të konkurrencës nga “Barbie” dhe “Oppenheimer.” Gjithsesi, ai arriti të grumbullojë rreth 570.6 milionë dollarë globalisht, duke kompensuar në pjesë të madhe koston e lartë të prodhimit prej 400 milionë dollarësh.
