Shërbimi legjendar i Microsoft, Notepad po përmirësohet në formën e inteligjencës artificiale. Një veçori e re e inteligjencës artificiale po vjen në Microsoft Notepad dhe quhet Rewrite. Microsoft ka aktivizuar Rewrite për Windows Insiders dhe funksioni do të lejojë AI të rishkruajë fjali, të ndryshojë tonin e tekstit dhe gjatësinë e tij në Notepad.
Windows Insiders mund të hyjë në funksionin Rewrite, duke theksuar tekstin në dritaren e Notepad dhe duke klikuar me të djathtën në meny ose duke shtypur shkurtesën e tastierës: Ctrl+I. Do të hapet një kuti dialogu, duke shfaqur modifikimet e sugjeruara të bëra nga AI, si dhe një menu të personalizuar me opsionet “Longer”, “Tone” dhe “Format” mbi butonin “Replace”. Nëse preferoni të shkruani me gishtat tuaj dhe të përdorni trurin tuaj, mund të çaktivizoni funksionin e AI në menynë e cilësimeve.
Edhe aplikacioni Paint i Microsoft-it merr funksionet e veta të AI, të quajtura Generative Fill dhe Generative Erase. Funksioni “mbushje” mund të modifikojë dhe shtojë veçori vizuale në fotografi dhe vizatime. Funksioni “fshirje” mund të heqë pjesë të fotografive ose vizatimeve. Për momentin, nuk ka asnjë informacion se kur funksionet e përmendura të AI, do të bëhen të disponueshme për të gjithë përdoruesit e programeve Microsoft Notepad dhe Paint.
Rikujtojmë se Florida Doçi është një tjetër histori suksesi si shqiptarja që ka arritur të bëhet pjesë e një prej kompanive më të mëdha të teknologjisë në botë, Microsoft. Ajo u largua nga Shqipëria 15 vite më parë, kur mbaroi shkollën e mesme në Tiranë. Ndërsa studimet e larta i ka përfunduar në universitetin e Windsor të Kanadasë në dy fusha; Shkenca Politike dhe Shkenca Biologjike e Bioteknologji. Më vonë ajo filloi studimet e saj Master në Shkenca Ndërdisiplinore të Shëndetit në Universitetin e Otavës. Aktualisht po kryen doktoraturën në të njëjtin universitet.
