Pas ndarjes nga Pique, këngëtarja e njohur Shakira është përballur me një situatë të pakëndshme. Një fans i ka dërguar një mesazh jashtë shtëpisë këngëtares kolumbiane, e cila është frikësuar dhe ka njoftuar policinë. Shakira ka parë një shkrim në trotuarin përballë pronës së saj ku shkruhej:
Të dua, je e bukur. Po vij për ty, dashuria ime. Unë jam gati të martohem me ty që tani dhe të të mbështes.
Someone vandalized the street outside of Shakira’s home in Barcelona with creepy messages declaring their love for her…
Full Article: https://t.co/aLhfVgcHy1 pic.twitter.com/kvYqHbwG0g
— shakirastuff (@shakirastuff_) June 20, 2022
Ky veprim i fansit e ka shqetësuar shumë këngëtaren. Thuhet se ky person e ka përgjuar shtëpinë e këngëtares që kur u bë publike ndarja e saj me Pique. Së fundmi Pique ka qenë në Stockholm për arsye pune dhe më vonë ka shkuar në një festë me VIP-a. Pas festës ka ndodhur edhe një incident me futbollistin dhe një fans. Sipas Katrin Zytomierska, blogere e njohur në Suedi, mbrojtësi i Barcelonës refuzoi të përshëndeste djalin e saj të dashuruar pas futbollit. Në formë hakmarrjeje blogerja postoi një foto të futbollistit krah një vajze bionde.
Shakira nuk e ka pritur fare mirë tradhtinë e Piques dhe së fundmi po thuhet se mes tyre po zhvillohet një “luftë e ftohtë”. Raportet në mediat e huaja tregojnë se urrejtja e Shakira-s është aq e madhe, sa ka vendosur që ta ndajë me mur vilën ku jeton, me qëllimin të mos ketë asnjë lloj kontakti me pjesën që i takon ish-partnerit dhe prindërve të tij. Rikujtojmë, se pas ndarjes nga Shakira futbollisti i Barcelonës, Pique ka humbur rreth 5 milionë ndjekës në Instagram.
Konkretisht, profili i tij ka rënë me një milion ndjekës në ditë. Ndërkohë, Shakira fiton rreth 300,000 përdorues në ditë. Pique dhe Shakira nuk u martuan kurrë, por marrëdhënia e tyre ka qenë nga më të komentuarat nga viti 2010, kur u njohën gjatë fazës finale të Botërorit në Afrikën e Jugut, aty ku Shakira ishte edhe autorja e këngës zyrtare të kompeticionit, e famshmja “Waka Waka”. Gjithsesi, për sa kohë që një reagim zyrtar i çiftit ende mungon, fansat e shumtë vijojnë të ëndërrojnë një jetë të gjatë bashkë për dy personazhet e njohur.
