Mayim Bialik njihet si gjeniu i ‘The Big Bang Theory’, por në fakt ajo është një grua me shumë talent. Ajo është një aktore dhe një neuroshkencëtare, por puna më e admirueshme e Bialik është të qenit nënë e 2 fëmijëve. Pikëpamja e saj për prindërimin është moderne dhe unike dhe disa ide padyshim ia vlen të provohen.
Ne ju zbulojmë disa metoda prindërimi që Bialik zgjodhi për fëmijët e saj, të cilat ju mund t’i merrni parasysh:
1. Fëmijët e saj janë të shkolluar në shtëpi.
Mayim Bialik nuk pajtohet me mjedisin standard të shkollës, kjo është arsyeja pse ajo ka vendosur të marrë gjërat në duart e saj dhe t’i shkollojë në shtëpi fëmijët e saj. Ajo pretendon se kjo i lejon djemtë e saj të zhvillohen me ritmin e tyre dhe i ndihmon ata të ndjekin atë që janë të pasionuar, duke u fokusuar në imagjinatën dhe lojën.
2. Fëmijët e saj ushqeheshin me gji deri vonë.
Mayim Bialik gjithashtu përqafoi idenë për të ushqyer fëmijët e saj me gji deri vonë. Ndërsa shumica e nënave përpiqen t’i ushqejnë fëmijët e tyre për sa më pak kohë të jetë e mundur, Bialik i la djemtë e saj të vendosin se kur donin të hiqnin dorë nga gjiri. Për shkak të përfitimeve të ushqyerjes me gji, fëmijët e saj u rritën duke u ndjerë më afër nënës së tyre.
3. Ajo nuk blen dhurata të shtrenjta për Krishtlindje.
Çdo vit, djemtë e saj marrin dhurata gjatë sezonit të festave nga gjyshërit e tyre ndërsa Mayim ka zgjedhur të mos bëjë të njëjtën gjë. Në vend të kësaj, Bialik dhe ish-bashkëshorti i saj vendosin t’u dhurojnë çorape dhe pizhame nëse kanë nevojë për to. Arsyeja pas kësaj është se fëmijët e saj kanë gjithçka që u nevojitet dhe ajo do të preferonte të dhuronte për kauza që ndihmojnë njerëzit në nevojë sesa të shpenzonte para për dhurata të shtrenjta.
4. Disiplina pozitive.
Mayim Bialik merret me disiplinën pozitive dhe integrimin e një stili të shëndetshëm komunikimi mes saj dhe fëmijëve të saj. Kjo do të thotë që kur lindin probleme, nuk ka bërtitje, goditje ose qortime. Në vend të kësaj, ajo përpiqet t’u shpjegojë gjithçka djemve të saj në një mënyrë të qetë, duke përdorur argumente racionale që ata mund t’i kuptojnë. Rregulli i saj themelor është që ju duhet t’i trajtoni fëmijët tuaj ashtu siç dëshironi të trajtoheni, sepse një marrëdhënie e shëndetshme bazohet në respekt. Prandaj, kjo metodë nuk i bën fëmijët tuaj të kenë frikë nga ju dhe i ndihmon ata të zhvillojnë vetëdisiplinën.
5. Ajo inkurajon ndarjen e shtratit.
Ajo pretendon se ndarja e shtratit ndihmon në forcimin e marrëdhënies së tyre, parandalon ankthin e ndarjes dhe e ndihmon fëmijën të flejë më gjatë dhe më mirë.
6. Fëmijët e saj e kanë të kufizuar aksesin në teknologji.
Edhe pse Mayim Bialik është një yll televiziv, fëmijët e saj nuk e shohin atë në TV sepse ka disa rregulla në shtëpi. Fëmijët e saj nuk lejohen të shikojnë filma ose TV, sepse ajo nuk dëshiron që personalitetet dhe vetëvlerësimi i tyre të ndikohen nga media ose të nënshtrohen presion nga bashkëmoshatarët.
7. Të thuash “të lutem” dhe “faleminderit” nuk inkurajohen.
Ndërsa shumica e fëmijëve mësohen që në moshë shumë të hershme të thonë “të lutem” dhe “faleminderit”, Bialik vendosi t’u mësojë atyre të kundërtën, duke i udhëzuar fëmijët e saj që të mos i përdorin fare ato fjalë. Ajo ka biseduar edhe me të gjithë miqtë dhe familjarët e saj, duke i informuar ata që të mos presin reagime të tilla nga djemtë e saj. Ajo beson se shprehjet e natyrshme dhe të sinqerta të vlerësimit janë më të rëndësishme se përsëritja e atyre fjalëve nga mirësjellja, sepse, me kalimin e kohës, ato fillojnë të humbasin kuptimin e tyre të vërtetë.
