Një ndër këngëtaret më të dashura për publikun e gjerë, pasi edhe përçon energji shumë pozitive tek ata ishte sot e ftuar në Top Albania Radio.
Bëhet fjalë për bukuroshen Klea Huta, e cila ishte në një intervistë për programin “Pardon My French” me Jonida Aliçkolli dhe Kejvin Kalo.
Po zbulojmë si fillim “ëndrrën në sirtar” të Kleas, duke marrë shkas se ishte në një emision radiofonik, ajo rrëfeu se Radio ka qenë një nga pasionet e saj më të hershme që nuk mundi ta realizonte, por nuk i dihet sepse asnjëherë nuk është vonë…
E pyetur se çfarë këshille do t’i japë djalit të saj Krid, në lidhje me mënyrën se si duhet t’i trajtojë femrat kur të rritet, Klea jep një mesazh shumë të bukur që do t’i vlejë çdo mashkulli:
Është një pyetje shumë e gjerë dhe shumë e bukur! Unë Krid do ta edukoj që të jetë një njeri shumë tolerant e para, të ketë besim në vetvete dhe të dojë veten, se në momentin që ti i ke këto të treja, besoj që edhe të tjerët e marrin energjinë tënde, sillen po njësoj me ty. Ndërsa me femrat do t’i kërkoja të ishte ‘mashkull’ sepse pak meshkuj ka… unë e kam gjetur të parin dhe të fundit! Por që nuk duhet t’i lëndojë padiskutim femrat, nuk duhet të luajë me zemrat e femrave edhe t’i respektojë në momentin që nuk e do, t’i thojë që thjesht nuk e do dhe mos ta tradhëtojë.
Mesazhi i Kleas ishte shumë emocionues dhe i vlefshëm për çdo mashkull, urojmë që Krid ta dëgjojë këtë këshillë dhe të rritet me dashurinë dhe respektin për femrën.
