Ndryshe nga sa pritej, Elon Musk ka ardhur plot me lavdërime për Volkswagenin. Përveçse shkon mirë me liderin e Volkswagenit, Herbert Diess, ai gjithashtu pajtohet se kompania gjermane po shkon në drejtimin e duhur. Në një intervistë për ‘Financial Times’, shefi i Space X deklaroi se VW, së bashku me Teslan, kanë bërë përparimin më të madh në elektrifikimin e makinave.
I pyetur se cili startup i EV i ka bërë më shumë përshtypje, ai befasoi me përgjigjen. Në vend që të përmendte disa nga rivalët si Nio apo Lucid, Musk tha:
Mendoj se kompania me përparimin më të madh së bashku me Teslan, në fakt është Volkswagen, i cili nuk është një startup, por në fushën e automjeteve elektrike ne mund ta përjetojmë atë si një startup.
Ky është një vazhdim i historisë miqësore mes Elon dhe Diess që tashmë kanë pasur rastin të flasin për elektrifikimin, por edhe të provojnë makinat konkurruese. Në fund të fundit, pasi Diess lavdëroi Teslën dhe Musk në disa raste, ky gjest ishte disi i pritshëm. Miliarderi preku edhe prodhuesit kinezë, të cilët i vlerësoi shumë duke thënë se:
Ka shumë njerëz super të talentuar dhe punëtorë që besojnë në prodhim. Ata janë të gatshëm të qëndrojnë në fabrikë edhe gjatë natës, ndërsa në Amerikë njerëzit po përpiqen të shmangin shkuarjen në punë.
Ai nuk ka dashur të përmendë kompanitë kineze, por duke qenë se Tesla ka një fabrikë në Shangai, është mjaft e qartë se ka një pasqyrë të etikës kineze të punës, por edhe entuziazëm kur bëhet fjalë për zhvillimin e tregut të makinave elektrike.
