Meghan Markle u duk shumë elegante me një këmishë blu dhe xhinse teksa u shfaq në një kanal për fëmijë në YouTube për të lexuar librin e saj “The Bench” sot. Dukesha e Sussex-it, i mbajti flokët në një topuz të lëmuar për videon, në të cilën ajo mund të shihej në kopshtin e rezidencës së saj prej 14 milionë dollarësh në Santa Barbara.
Videoja u shpërnda në kanalin Brightly Storytime, i cili drejtohet nga Penguin Random House, shtëpia botuese që botoi “The Bench” dhe me të cilën Princi Harry gjithashtu ka një marrëveshje librash. Para se të fillonte të lexonte, Meghan shpjegoi:
Sot do t’ju lexoj librin tim të quajtur “The Bench” me ilustruesin Christian Robinson. I kërkova të bënte diçka të veçantë për mua dhe të përdorte bojëra uji, gjë që nuk është mënyra në të cilën ai punon, por e bëri për ta bërë atë më të veçantë.
E shkrova këtë si një poezi për burrin tim dhe djalin tonë Archie, dhe më pas e ktheva në një libër që të mund ta shijoni edhe ju.
Libri debutues prej 12,99 paundësh nga Dukesha u publikua në qershor dhe u frymëzua nga një poezi që ajo shkroi për “Festën e parë të Babait” të Princ Harry, një muaj pas lindjes së Archie, duke eksploruar lidhjen e veçantë midis babait dhe djalit siç shihet nga sytë e nënës.
