Së fundmi ekspertët kanë paralajmëruar se plani i madh i miliarderit të teknologjisë Elon Musk për të dërguar edhe më shumë satelitë në hapësirë mund të shkaktojë një përplasje shkatërruese me avionët. Njeriu më i pasur në Tokë dëshiron të dërgojë në orbitën e ulët të Tokës më shumë se 40.000 satelitë të internetit të Space X.
Shërbimi i tij Starlink ka leje për të nisur 12.000 por firma dorëzoi dokumente për 30.000 të tjera në vitin 2019. SpaceX ka mbi 3000 satelitë në qiell të cilat kanë qenë një mjet vendimtar për forcat ukrainase që luftojnë me Rusinë.
Por astronomët kanë frikë se orbita e ulët e Tokës mund të mbingarkohet me satelitë nga Musk dhe shumë të tjerë që garojnë për një pjesë të hapësirës. Ata thonë se një hapësirë e mbipopulluar rrit rrezikun e përplasjeve, të cilat do të dërgonin mbeturinat të binin si shi në Tokë.
Mbeturinat digjen ndërsa kalojnë nëpër atmosferë, por edhe pjesa më e vogël mund të rrëzojë një aeroplan, sipas Andy Lawrence, profesor i Astronomisë në Universitetin e Edinburgut.
Kjo do të ndodhë. Ka kaq shumë pjesë të mbeturinave, diçka do të godasë një aeroplan dhe 300 njerëz do të vriten, nëse nuk jemi vërtet të kujdesshëm. Ata thonë se kanë algoritme të inteligjencës artificiale për të shmangur përplasjet dhe sigurohen që satelitët e vjetër të digjen, kështu që ne duhet t’u besojmë atyre se funksionon gjithmonë. Gjërat po lëvizin shumë shpejt në orbitë, edhe gjërat e vogla janë absolutisht vdekjeprurëse.
Profesor Lawrence, i cili botoi një libër të quajtur “Losing The Sky” në lidhje me këtë çështje vitin e kaluar, tha se ai dhe të tjerët nuk po bëjnë thirrje që lëshimet satelitore si Musk të ndalohen plotësisht.
Kryesisht po them, ngadalësoni, le të bëjmë disa studime të duhura, le të kuptojmë se si ta bëjmë këtë.
Së fundmi CNN njoftoi se ka parë një letër në të cilën SpaceX, kompania e Elon Musk, i kërkon Pentagonit të marrë përsipër kostot e financimit të satelitëve shumë të rëndësishëm për komunikimin e trupave ukrainase.
