Së fundmi, Robbie Williams dhe gruaja e tij Ayda Field kanë pranuar se seksi mes tyre ka ndryshuar pas martese. Ish-këngëtari i “Take That”, fajësoi mungesën e epshit për injeksionet e testosteronit, të cilat i kishin përkeqësuar depresionin. Në një intervistë të përbashkët, dyshja këmbënguli se ata janë ‘në të njëjtin mendim’ kur bëhet fjalë për intimitetin dhe janë të kënaqur me mungesën e aktivitetit të tyre në dhomën e gjumit.
Robbie i tha tabloidit britanik ‘The Sun’ se:
Të gjithë e dinë se nuk ka seks pas martesës. Kështu është. Përdora substanca stimuluese për testosteron për një kohë të gjatë, por, për shkak se krijova varësi, u desh ta ndalja. Por seksi që bëmë kur isha në përdorim të substancave stimuluese për testosteron ishte i jashtëzakonshëm; ishte gjatë gjithë kohës. Ishim të pangopur. Megjithatë, kjo tregon se sa të lidhur jemi me njëri-tjetrin, sepse kur isha me të, ne nuk mund t’i hiqnim duart nga njëri-tjetri. Më mungon ajo kohë. Ishte një periudhë argëtuese. Megjithatë, ndonjëherë tani Ayda do të kthehet nga unë në divan dhe thotë: ‘Duhet të bëjmë seks’ dhe unë jam ulur duke ngrënë një mandarinë dhe thjesht ngre supet. Pra, e dini, ndonjëherë ne përpiqemi.
Aktorja 43-vjeçare, e cila u martua me partnerin e saj në vitin 2010, përfundoi:
Intimiteti është ana e rëndësishme dhe kuptimplotë e dashurisë. Jemi të lumtur.
Rikujtojmë, se Robbie ka qenë i hapur për betejat e tij me drogën dhe peshën e tij në të kaluarën dhe ai u bë ambasador promovues i Weight Watchers në vitin 2018. Ylli shkoi në rehabilitim në vitin 2007. Ai më parë pranoi se ishte vetëm ’24 orë larg vdekjes’ në kulmin e varësisë së tij.
