Ylli i muzikës pop, Britney Spears, është duke u shëruar nga ndryshimet e shumta që kanë ndodhur në jetën e saj. 39-vjeçarja më e kthjellët se kurrë ka zbuluar së fundmi se po shkruan një libër. Përmes rrjetit të saj social, Instagram, ajo ka postuar një imazh të një dore që mban një stilolaps, me mbishkrimin si më poshtë:
Unë jam duke shkruar një libër për një vajzë që u vra … megjithatë fantazma e saj ngec në harresë për shkak të traumave dhe dhimbjeve dhe ajo nuk di si të kalojë në botën që ka njohur!!!! Pasi u bllokua në harresë për tre vjet, ajo është një fantazmë që lulëzon nga reflektimi i saj në pasqyrë për ekzistencën. Ajo nuk ka askënd të cilit mund t’i besojë, por diçka ndodh dhe kupton se si të kalojë në botën ku është familja e saj!!!! Duke dalë nga limbo, ajo ka një vendim për të marrë … përshëndetur të njëjtët njerëz që e vranë ose krijuan një jetë krejt të re.
Rikujtojmë, se ky libër vjen pasi këngëtarja fitoi lirinë nga babai i saj. Këngëtarja e cila ka kaluar 13 vitet e fundit nën një kujdestari duke qenë në kontroll nga babai i saj, Jamie Spears, mesa duket tani u lirua plotësisht dhe po vazhdon të ndjekë ëndrrat e saj.
Nëse jeni kuriozë për fëmijët e Britney-t, ata së fundmi janë shfaqur në një foto të postuar në media sociale. Sean Preston Federline, 16-vjeç dhe Jayden James Federline, 15-vjeç, që këngëtarja i ka me ish-bashkëshortin Kevin Federline, kanë qëndruar larg syve të publikut për një kohë të gjatë.
