Kur bëhet fjalë për familjen mbretërore, nuk mund të mos flasim pa përmendur titujt mbretërorë. Ato janë shumë të rëndësishëm, me vlerë, dhe me sa duket edhe të ndryshueshëm. Mbretëresha Elizabeth ka sinjalizuar miratimin e saj që Dukesha e Cornwall-it të marrë titullin bashkëshortja Mbretëreshë kur burri i saj Princi Charles të marrë fronin, ka thënë një ekspert mbretëror.
Kur Camilla u martua në familjen mbretërore në vitin 2005, u njoftua se kur Charles të bëhej monark, Camilla nuk do të merrte titullin e Mbretëreshës. Opinioni publik për Camilla më parë nuk ishte i favorshëm për shkak të marrëdhënies së saj me Charles kur ai ishte i martuar me Princeshën Diana.
Mendohet se kjo është arsyeja pse ajo do të njihej si bashkëshorte princeshë dhe jo si mbretëreshë. Megjithatë, gjatë kohës së saj në Familjen Mbretërore, opinioni publik për Camilla ka filluar të ndryshojë dhe asaj i është dhënë më shumë përgjegjësi brenda familjes. Tani duke folur në “The Royal Beat” të True Royalty TV, eksperti mbretëror Wesley Kerr tha:
Vërtet ndjehesh sikur ajo ka një zë dhe një personalitet. Unë mendoj se kjo është ndikuar nga Mbretëresha aktuale që thotë, “ti mund të jesh bashkëshorte mbretëreshë dhe jo vetëm bashkëshorte princeshë”. Unë mendoj se ajo me të vërtetë është duke ecur në rrugën e duhur dhe mendoj se në Familjen Mbretërore, pas Mbretëreshës, ajo ka një rol tepër të veçantë dhe të rëndësishëm.
