Më shumë se 700 profesionistë të industrisë së argëtimit kanë nënshkruar një letër të hapur duke shprehur mbështetjen e tyre për Izraelin dhe duke dënuar Hamasin ndërsa luftimet vazhdojnë në Lindjen e Mesme.
Gal Gadot, Amy Schumer, Mayim Bialik dhe Jerry Seinfeld ishin mes atyre që nënshkruan letrën që u publikua të enjten nga organizata jofitimprurëse e industrisë së argëtimit “Creative Community For Peace”. Chris Pine, Liev Schreiber, Debra Messing dhe Mark Hamill ishin gjithashtu midis nënshkruesve.
Letra u bën thirrje udhëheqësve të industrisë së argëtimit që të flasin me forcë kundër Hamasit dhe të bëjnë gjithçka që është në fuqinë e tyre për të nxitur organizatën terroriste që t’i kthejë pengjet e pafajshme në familjet e tyre. Letra vazhdoi:
Ky është terrorizëm. Kjo është e keqe. Nuk ka asnjë justifikim apo racionalizim për veprimet e Hamasit. Mendimet tona janë me të gjithë ata që përjetojnë nivele të pamatshme frike dhe dhune dhe shpresojmë për ditën kur izraelitët dhe palestinezët të mund të jetojnë krah për krah në paqe.
Të paktën 1,537 njerëz, përfshirë 500 fëmijë dhe 267 gra, janë vrarë që kur Izraeli filloi sulmet në Gaza pas sulmit vdekjeprurës të Hamasit të shtunën e kaluar, sipas Ministrisë palestineze të Shëndetësisë. 6,612 persona të tjerë kanë pësuar lëndime, shtoi ministria.
