Në Francë nuk kanë më dyshime, Kylian Mbappe ka vendosur për të ardhmen e tij dhe ajo do të jetë larg PSG-së. Ka qenë vetë e përditshmja franceze ”Le Parisen” e cila ka zbuluar se sulmuesi do i japë fund aventurës së tij në klubin e kryeqytetit, për t’u zhvendosur në një tjetër kryeqytet, në atë të Spanjës. Sipas gazetes franceze, Mbappe ka vendosur që të bashkohet me Real Madridin dhe për këtë tashmë janë të informuar edhe drejtuesit e PSG-së.
Paris Saint-Germain tashmë ka gjetur zëvendësuesin për Kylian Mbappen. Të shtunën, The Parisien pretendoi se ylli i PSG-së ka vendosur të bashkohet me Real Madridin kur kontrata e tij të skadojë këtë verë. Dëshira e Mbappes për të luajtur me Francën në Lojërat Olimpike thuhet se do të jetë një pjesë e rëndësishme e negociatave. Pasi është rritur duke idolizuar legjendat si, Zinedine Zidane dhe Cristiano Ronaldo, Mbappe thuhet se do të fitojë gjysmën e asaj që fiton në PSG dhe thuhet se ka refuzuar një rritje pagash në Paris me vlerë 72 milionë euro.
Burimet e ESPN kanë pohuar se duke zgjedhur të largohet nga klubi si lojtar i lirë, Mbappe do të heqë dorë nga bonuset që arrijnë në rreth 100 milionë euro. Si zëvendësues, PSG mendohet se ka identifikuar lojtarin e Milanit, Rafael Leao. 24-vjeçari ka shfaqur një formë jokonsistente këtë sezon, pasi ka shënuar vetëm tre herë dhe ka bërë gjashtë asistime në 20 ndeshjet e tij në Serie A.