Mariah Carey është dërguar edhe një herë në gjykatë për këngën e saj të Krishtlindjeve “All I Want For Christmas Is You”. Dy burra pretendojnë se kanë shkruar një këngë me të njëjtin titull dhe për këtë, këngëtarja është hedhur në gjyq.
Andy Stone dhe Troy Powers i kërkojnë këngëtares të paktën 20 milionë dollarë dëmshpërblim për këngën “All I Want For Christmas Is You”, sepse, sipas tyre, ky është titulli i këngës së tyre të festës së vitit 1989.
Në dokumentet e reja, të publikuara nga TMZ, Stone dhe Powers pretendojnë se ka ngjashmëri të konsiderueshme në lidhjen lirike, melodinë dhe ndjesinë e përgjithshme, në krahasim me këngën e tyre. Ata shtojnë se Mariah “u ka hequr të drejtën nga këto vepra me historinë e saj dyshuese të origjinës, sikur ato vepra ishin të sajat”.
Rikujtojmë se, këngëtarja e njohur Mariah Carey ka “paralajmëruar” zyrtarisht fillimin e sezonit të Krishtlindjeve. Ikona e muzikës pop ka postuar një video në Instagram ku shfaqet brenda një blloku të madh akulli, gati për t’u “shkrirë”, pikërisht në kohë për të shënuar dhe nisjen e sezonit festiv të fundvitit. 54-vjeçarja thyen akullin me zërin e saj dhe fillon të këndojë këngën klasike të Krishtlindjes: “All I want for Christmas, is you”.
