Manchester United ka njoftuar se Ruben Amorim do të jetë trajneri i ri i klubit. Portugezi 39-vjeçar, i cili aktualisht drejton klubin e Lisbonës, do të transferohet në Old Trafford më 11 nëntor dhe ka nënshkruar një kontratë deri në qershor të vitit 2027.
Amorim, i njohur për qasjen e tij të re dhe stilet e lojës dinamikë, është trajneri i gjashtë i përhershëm i Manchester United që nga largimi legjendar i Sir Alex Ferguson në 2013. Ai vjen pas një periudhe të vështirë për klubin, ku Erik ten Hag u shkarkua të hënën e kaluar.
Ndërkohë, ish-sulmuesi i njohur i United, Ruud van Nistelrooy, do të drejtojë skuadrën në tre ndeshjet e ardhshme si trajner i përkohshëm.
Emërimi i Amorim tregon angazhimin e klubit për të rikthyer suksesin dhe për të ndërtuar një skuadër konkurruese, pas disa sezoneve të vështira. Njohësit e futbollit presin me interes se si do ta transformojë ai skuadrën dhe do të sjellë stilin e tij të lojës në Premier League.
It’s done.
Bem-vindo ao Manchester United, Ruben Amorim 🇵🇹🤝🔴#MUFC
— Manchester United (@ManUtd) November 1, 2024
