Aktori i njohur Macaulay Culkin, i cili fitoi famë mbi 30 vjet më parë për rolin e tij kryesor si Kevin McCallister në filmat “Home Alone”, ka marrë yllin e tij në Hollywood Walk of Fame. Ceremonia u mbajt ditën e djeshme dhe të pranishme ishin Natasha Lyonne dhe Catherine O’Hara.
Mamaja e Macaulay Culkin në ekran, Catherine O’Hara kishte një biletë në rreshtin e parë kur aktori i “Home Alone” mori yllin e tij në Hollywood Walk of Fame më 1 dhjetor. O’Hara, e cila luajti nënën e Kevin McCallister, Kate në klasikun e vitit 1990 dhe vazhdimin e 1992, ndoqi ceremoninë për të festuar arritjen e tij. Në fjalimin e saj, aktorja u shpreh:
“Home Alone” ishte, është dhe do të jetë gjithmonë një sensacion i dashur global. Arsyeja pse familjet në të gjithë botën nuk mund të lënë një vit të kalojë pa parë dhe dashuruar “Home Alone” është për shkak të Macaulay Culkin. E di që ke punuar shumë, por e ke bërë aktrimin të duket si gjëja më e natyrshme. Në të vërtetë ishte sikur ne kishim bërë pritë në shtëpinë e këtij djali të vogël të quajtur Kevin për të bërë këtë film, dhe ai thjesht u shoqërua me ne për qejf.
View this post on Instagram
69-vjeçarja kujtoi se si Culkin u etiketua një “super yll” dhe “gjenerues parash” pas publikimit të tij.
Si i mbijeton dikush kësaj? Epo, unë besoj se do të duhet të kesh një cilësi të caktuar, një dhuratë, të cilën John Hughes e pa padyshim te ti, Macaulay, sensin tënd të humorit.
View this post on Instagram
Përveç ribashkimit emocionues të O’Hara dhe Culkin në ceremoninë e ‘Walk of Fame’, ai gjithashtu festoi me familjen e tij, të fejuarën Brenda Song dhe dy djemtë e tyre. Culkin përmendi të fejuarën e tij Song dhe dy djemtë e tyre gjatë fjalimit të pranimit të yllit, duke i falënderuar për mbështetjen e tyre.
Do të doja të të falënderoja ty Brenda. Ti je absolutisht gjithçka për mua. Ti je njeriu më i mirë që kam njohur ndonjëherë. Dhe pas lindjes së dy djemve tanë, ti je bërë një nga tre njerëzit e mi të preferuar.
View this post on Instagram
