Kohëve të fundit autorja Olsa Muhameti na kishte treguar se së shpejti duhet të presim prej saj një program bombë, i cili do të titullohej “Kepi i Tundimeve” dhe do të fillonte këtë muaj, ku do të përmbante vetëm 10 episode, por ndryshe nga programet e tjera që jemi mësuar të shikojmë, ky program nuk do të ketë prezantues.
Programi filloi dhe episodet e para u transmetuan, duke i lënë të gjithë gojëhapur nga ky format. ‘Kepi i Tundimeve’ është programi më i ri që ka nisur në Top Channel dhe transmetohet çdo të premte në orën 21:00. 10 konkurrentë, të rinj, seksi, aventurierë, do t’ju duhet të bashkëjetojnë në një vilë ku nuk do të mungojnë sfidat, lojërat dhe tundimet padyshim. Mirëpo, mes tyre nuk duhet të marrëdhënie intime apo puthje pasi buxheti i tyre do të ulet.
Por, përpos aventurave dhe argëtimit, konkurrentët e programit na kanë falur dhe momente plot emocion, nisur që nga episodi i dytë ku disa prej tyre, më së shumti Anxhela na rrëfeu për paragjykimet që i janë drejtuar dhe nuk mundi të mbante lotët. Vazhdimin e kësaj situate kaq emocionuese, e bëri Ornela një tjetër vajzë e cila na përloti të gjithëve me historinë personale të një aksidenti që kishte ndodhur me motrën e saj.
Një prej rregullave u thye këtë të premte nga një prej vajzave që deri më tani ka qenë më e përmbajtura. Bëhet fjalë për Efin, së cilës iu gjet në sirtarin e dhomës së saj një lodër vetkënaqësie, gjë që është e ndaluar në program. Për këtë të gjithë konkurrentët janë ‘ndëshkuar’ duke iu ulur nga buxheti plot 2 mijë euro.
