Provokime nga tifozë rumunë, dje në mbrëmje u ndërpre një ndeshje e Nations League-s mes Rumanisë e Kosovës në Bukuresht. Lojtarët kosovarë u larguan nga fusha gjatë kohës së pushimit. Kjo ndodhi në minutat shtesë kur rezultati ishte 0-0. Lojtarët kosovarë u larguan nga fusha pasi tifozët në turmë bërtisnin “Serbia!”.
Bashkimi i Shoqatave Evropiane të Futbollit (UEFA) mori vendimin për të mos vazhduar me ndeshjen, pak më shumë se pas një orë pas ndërprerjes.
UEFA do të komunikojë informacione të mëtejshme në kohën e duhur.
Pamjet televizive treguan disa lojtarë dhe staf të skuadrës kosovare duke bërë gjestin e shqiponjës dykrenore ndaj tifozëve rumunë. Ky simbol nga flamuri i Shqipërisë, përfaqëson solidaritetin mes shqiptarëve etnikë. Skuadra e Kosovës u largua nga fusha pas një diskutimi të gjatë me arbitrin. Rreth 45 minuta më pas doli nga fusha edhe skuadra rumune. Pas një njoftimi në altoparlant, të pranishmit u udhëzuan të largoheshin nga stadiumi.
Kapiteni i Kosovës, Amir Rrahmani, i bëri thirrje UEFA-s të marrë masa dhe t’i mbrojë futbollistët kur përballen me sjellje raciste. Rrahmani u shpreh se në tri raste ka bërë përpjekje ta bindte gjyqtarin për thirrjet anti-Kosovë në stadium.
Ka pasur thirrje të vazhdueshme “Serbia, Kosova”. Kjo ndodhi për 90 minuta. Në minutat shtesë, nisën thirrjet me fjalë të tjera që s’dua t’i përsëris sepse është turp. I thashë për herë të parë gjyqtarit që t’i dëgjonte. Ai s’bëri gjë. Herën e dytë s’deshi të dëgjonte. Pas herës së tretë, i thashë se do të dalim sepse kjo është shumë e gabuar.
Ata kanë qenë në dijeni sepse Federata jonë ua ka bërë të qartë që ta provojnë të shmangin këtë. Tifozët nisën edhe më shumë pas kësaj me thirrjet “Kosova, Serbia”. Prandaj, ne vendosëm të mos dalim më siç ndodhi vitin e shkuar. UEFA duhet të vendosë sepse jemi futbollistë, jemi për të përfaqësuar këtu popullin tonë, shtetin tonë që ka të kaluar situatë të rëndë. Një luftë e madhe ka marrë jetën e njerëzve, ka pasur masakra. Kjo është e tepërt. Ndaluni!
Të gjithë duhet ta dinë se Kosova është Kosovë ose Kosova është Shqipëri. Kaq, këtu mbaron.
