Big Brother Vip Albania është një fenomen social që mbërthen fort jo vetëm vëmendjen por edhe debatin publik. Prej datës 13 Janar në Top Channel ka nisur edicioni i tretë i “Big Brother VIP 3”. Një reality show, i cili që në natën e parë të spektakli arriti të gozhdonte para ekranit teleshikuesit dhe rezultoi të ishte mjaft i suksesshëm.
Ajo që ndodh në shtëpinë e “Big Brother VIP”, padyshim që është më e ndjekura e më e komentuara në rrjetet sociale, si edhe në jetën e përditshme. Në lidhje me audiencën shumë të madhe të këtij spektakli ka mendime të ndryshme. Suksesi ka kaluar kufijtë e një spektakli në ekranin e televizorit e tani jemi përballë një fenomeni social që mund të quhet edhe si “Big Brother Mania”.
Kanë kaluar tashmë mbi 100 ditë nga nisja, teksa finalja e këtij edicioni të “Big Brother” është më 25 maj. Ndërkohë, lufta sa vjen e bëhet edhe më e fortë, teksa banorët duan të fitojnë çmimin e madh. Dita sot ka nisur me një debat, pasi Liami e zgjoi Françeskën duke i hedhur ujë, teksa ajo po flinte.
Françeska: Çdo gjë në esktrem me ty. Ti nuk ke vetëkontroll.
Liami: Ujin e kam qejf, aty s’kam fare kontroll.
Françeska: Ti s’e ke idenë çfarë është vetëkontrolli. Lë kokrrën e namit. Sa herë që ti bën gabime, unë i anashkaloj sepse më dhimbsesh.
