Më shumë se 175 nga artikujt e ikonës së ekranit Marilyn Monroe do të dalin në ankand, duke përfshirë një letër të shkruar nga babai i saj Charles Stanley Gifford. Objektet do të prezantohen në ngjarjen e Hollivudit që do të zhvillohet nga 17 deri më 18 dhjetor. Kartolina pa datë, drejtuar Monroe me dorëshkrimin e Gifford, pritet të shitet nga 2 000 deri në 3 000 dollarë. Në një njoftim thuhej se:
Kjo kartë është i vetmi artefakt i njohur material që tregon një komunikim midis Gifford dhe vajzës së tij të famshme.
Sipas tij, Gifford ia ka dorëzuar kartën Monroe-s ndërsa ajo ishte në spital. Historiani Scott Fortner u shpreh se:
E zbulova kartën rastësisht ndërsa po përgatisja arkivat personale të Marilyn për ankand në Julien’s Auctions. Kjo është e vetmja dëshmi e dokumentuar e njohur e një marrëdhënieje midis Monroe dhe Gifford, e cila zgjidh misterin nëse Marylin e njihte apo kishte kontakt me babanë e saj biologjik.
Letra përmban një pikturë të një vajze të vogël me një shënim të shkruar me dorë brenda. “E dashur Marylyn!”, fillon mesazhi i Gifford, me emrin e Monroe të shkruar gabimisht, “Ky shënim vjen posaçërisht për të thënë se shumë mendime dhe dëshira janë me ty çdo ditë.”
Ndër objektet personale të ylli të “How To Marry a Millionaire” që do të shiten përfshijnë buzëkuq, qerpikët fallso si dhe produkte të tjera bukurie. Rikujtojmë, se së fundmi traileri për filmin e Netflix “Blonde” shkaktoi reagime jo të mira. Pasi panë trailerin më 28 korrik, fansat kritikuan në mediat sociale drejtorët e kasting për theksin e De Armas në film. Shumë thanë se theksi i aktores kubane është shumë i rëndë dhe se ajo nuk tingëllon aspak si Monroe.
