Në intervistën e bërë së fundmi, Ledri Vula ofroi një bisedë të sinqertë dhe emocionale rreth marrëdhënies së tij me Sara Hoxhën, duke ndarë disa detaje të rëndësishme për ndarjen e tyre.
Ai tregoi për një periudhë delikate në jetën e tij, kur shtatzënia e Sarës erdhi papritur, një ditë pas ndarjes së tyre.
Ledri e pranoi se ai dhe Sara janë dy persona të ndryshëm, dhe ky kontrast ka qenë një nga arsyet që marrëdhënia e tyre ka funksionuar për një kohë të gjatë. Megjithatë, rreth arsyes të ndarjes, ai u shpreh se nuk ka menduar shumë për këtë, dhe nuk e ndien të nevojshme të shtjellojë detaje të tjera.
Një tjetër moment i rëndësishëm gjatë intervistës ishte kur Ledri u pyet nëse ishte penduar që lidhja e tij me Sarën u bë publike. Ai pranoi se ishte e vështirë të mbante privatësinë për shkak të karrierës së tij dhe shpërthimit të interesit mediatik, por shtoi se, po të ishte Sara më e rezervuar, ndoshta ata do të kishin mundur të qëndronin bashkë më gjatë.
Ai gjithashtu përmendi dhe reagimin e Poem Blu, vajzës së tyre, pas ndarjes, Ledri shpjegoi se ajo e kuptoi dhe pranoi situatën, duke thënë:
Java ime me mamin, java ime me babin.
Ai shtoi se, ndonëse e vështirë, gjëja që e shqetëson më shumë është ndikimi që ka kjo ndarje te vajza e tij, Poi, ndërsa për pjesën tjetër, nuk ka asnjë keqardhje.
Ky rrëfim i hapur i Ledrit ka qenë një mundësi për të shprehur e për të treguar më shumë rreth dinamikës së jetës së tij personale dhe marrëdhënies me Sarën, edhe pas ndarjes.
