Laçi dhe Elbasani e kanë mbyllur në barazim 1-1. Sfida ishte e vlefshme për javën e 13-të të Superiores dhe i pa skuadrat të ndajnë nga një pikë.
Fillimisht ishte Laçi që shënoi me Mjakin në minutën e tretë. Verdheblutë e morën barazimin pas golit të Tsague në minutën e 59-të.
Ky i fundit humbi një penallti për Elbasanin në pjesën e parë, që u akordua pas rishikimit me VAR.
Kështu dy trajnerët italianë, Bordin dhe Moriero, ndajnë nga një pikë në atë që rezultoi sfidë me mjaft spektakël.
Në orën 17:00 luhet edhe takimi përmbyllës i raundit, mes Tiranës dhe Bylisit.
Dje Partizani mundi Dinamon 1-2 në Derbi, ndërsa Teuta dhe Skënderbeu barazuan 1-1. Javën e çeli barazimi 1-1 në Egnatia – Vllaznia.
Partizani në krye të renditjes në kuotën e 24 pikëve, ndjek Vllaznia me 22. Egnatia dhe Dinamo kanë nga 20 pikë. 3 pikë më pak për Elbasanin dhe Teutën.
Skënderbeu në kuotën 12, po aq sa edhe Laçi. Me një ndeshje më pak, Tirana 11 dhe Bylis 10 pikë.
