Një metodë e re për prodhimin e ujit në Hënë mbërrin nga Kina në funksion të misioneve të ardhshme njerëzore. Sipas shkenctarëve kinezë nga një ton regolit (përzierja e pluhurit dhe gurëve që përbëjnë tokën hënore) ju lejon mund të merren 50 kilogramë ujë, një sasi e mjaftueshme për të mbushur 100 shishe gjysmë litri. Studimi u publikua në revistën ”The Innovation”.
Prania e përhapur e ujit në Hënë është demonstruar nga kërkime të ndryshme të kryera si pjesë e misioneve të ndryshme hapësinore, nga ato të programit Apollo të NASA-s deri te misioni i fundit kinez Chang’E-5 i cili në dhjetor 2020 u kthye në Tokë duke sjellë gati dy kilogramë material hënor. Megjithatë, përmbajtja e ujit në mineralet hënore është jashtëzakonisht e ulët, duke lëvizur midis 0.0001% dhe 0.02%.
Për këtë arsye, mbetet e vështirë nxjerrja dhe përdorimi i ujit në vend në Hënë. “Në studimin tonë ne përdorëm mostra të regolitit hënor të sjellë nga misioni Chang’E-5, duke u përpjekur të gjenim një mënyrë për të prodhuar ujë në Hënë”-thekson Wang. Ndër mineralet kryesore hënore, ilmeniti është ai me përmbajtjen më të lartë të hidrogjenit, i cili, i mbartur nga era diellore, mbetet i ‘ngatërruar’ në strukturën e tij unike retikulare.
Këto zbulime mund të hapin një rrugë të re për shfrytëzimin e burimeve hënore për misionet e ardhshme njerëzore. Uji mund të përdoret për të pirë dhe ujitur të korrat, por jo vetëm kaq: nëpërmjet një procesi elektrokimik ai mund të zbërthehet në hidrogjen, për prodhimin e energjisë dhe oksigjen, thelbësor për frymëmarrjen.
