Zbulimi se po filloni të përjetoni rënie dhe/ose rrallim të flokëve mund të jetë shqetësues dhe stresues, por nuk jeni vetëm. Shumë personazhe publike duke përfshirë Jada Pinkett Smith, Viola Davis dhe Naomi Campbell po flasin gjithnjë e më shumë për përvojat e tyre. Më poshtë keni disa këshilla nga ekspertët për t’ju ndihmuar të identifikoni çështjet kryesore që mund të fshihen pas rënies suaj të flokëve dhe për të zbuluar metodat më të mira për të shmangur dhe luftuar problemin.
1. Pajisjet me nxehtësi
Përdorimi i tepërt i mjeteve të nxehta të stilimit, si tharësja e flokëve, pajisjet për t’i drejtuar apo për t’i bërë kaçurrela, mund t’i dëmtojë flokët tuaj, apo ato të bëhen të prirur për t’u thyer dhe rrjedhimisht më shumë gjasa për të rënë, veçanërisht nëse i përdorni çdo ditë. Kjo ndodh sepse kur nxehtësia shumë e fortë dhe e thatë aplikohet në flokë, ajo dobëson boshtin e flokëve. Flokët e thatë dhe të dredhur të shkaktuar nga dëmtimi i nxehtësisë gjithashtu mund të bëhen më të vështirë për t’u stiluar, megjithatë trajtimi i këtij efekti anësor duke përdorur mjete të nxehta edhe më shpesh, vetëm sa do ta përkeqësojë në vend që ta zgjidhë problemin.
2. Boja e tepërt
Lyerja e flokëve shumë shpesh, veçanërisht nëse përdorni zbardhues, gjithashtu mund të çojë në rënie të flokëve. Kur flokët përpunohen shumë, në përgjithësi do të këputen dhe do të thyhen për shkak të dëmtimit të flokëve nga kimikatet për një kohë të gjatë. Kjo bën që flokët të humbasin plotësisht elasticitetin e tyre. Flokët që janë lyer tepër janë shpesh të thatë dhe si kashtë, me shtresa të lëkundura, të pabarabarta dhe mungesë vëllimi të shkaktuar nga fijet që janë këputur, gjë që gjithashtu mund ta bëjë rrallimin më të dukshëm.
3. Larja agresive
Larja e flokëve tërësisht do të stimulojë skalpin tuaj, gjë që mund të inkurajojë rritjen e flokëve, ndaj është e rëndësishme të mos e anashkaloni këtë hap të rutinës së kujdesit të flokëve. Sidoqoftë, duhet të jeni të butë. Nëse keni tendencë të tërhiqni flokët tuaj, ose dëgjoni tinguj kërcitjeje ndërsa po i krehni, ka të ngjarë të ushtroni shumë presion ose të krehni në mënyrën e gabuar, gjë që do të shkaktojë thyerje dhe mungesë të rritjes së flokëve. E njëjta gjë është e vërtetë nëse prireni t’i krehni flokët sapo dilni nga dushi, pasi flokët tuaj janë më të brishtë kur janë të lagur.
