Seria A mbylli këtë të hënë raundin e katërt të sezonit të ri futbollistik, duke ofruar surpriza të rëndësishme. Udinese, e cila sezonin e kaluar shpëtoi nga rënia vetëm në javën e fundit, tani ka ngjitur në krye të tabelës së klasifikimit, duke qenë në krye e vetme për momentin. Ky sukses i papritur është një rezultat i performancës së shkëlqyer të skuadrës nga Friuli nën drejtimin e trajnerit Runjaic, që ka siguruar 3 fitore dhe një barazim deri tani, duke grumbulluar 10 pikë.
Në raundin e fundit, Udinese arriti një fitore dramatike me rezultatin 3-2 përballë Parmës. Vendasit e nisën ndeshjen fuqishëm, duke shënuar dy gola përmes Del Prato dhe Boni, por në pjesën e dytë, Luka dhe Tovë realizuan dy gola për ta përmbysur rezultatin dhe për ta siguruar fitoren për bardhezinjtë.
Në ndeshjet e tjera të fundjavës, Lazio mposhti Veronën me rezultatin 2-1 në shtëpi. Të tre golat e këtij takimi u shënuan në pjesën e parë, me bardhekaltërit që arritën të mbajnë avantazhin deri në fund, duke siguruar 3 pikë të vlefshme për përparimin e mëtejshëm në klasifikim.
Kështu, deri në fundjavën e ardhshme, Udinese do të mbajë vendin e parë në tabelën e Serisë A, duke lënë pas ekipe të njohura si Inter, Juventus, Milan dhe Napoli.
