Sot në emisionin “Live from Tirana” ishte e ftuar nëpërmjet nje lidhjeje telefonike Uarda Koçi, organizatorja e eventeve të ndryshme të muzikës dhe artit në vend. Duke qenë se ka një kontakt të drejtpërdrejt me shumë nga VIPA-t në Shqipëri, Uarda foli më shumë rreth tyre duke treguar se si janë ata në backstage: Shumica kanë qenë brenda pritshmërive në sjellje, në sensin human. Alban Skënderaj gjithmonë më ka dhënë përshtypje si një njeri i cili kujdeset për detajet, për look-un, i lexuar dhe kështu më ka qëlluar dhe në njohjen time personale. Shumë detajist dhe këtë gjë e ka pasqyruar në karrierën e tij. Ta vështirëson punën në procesin e punës por pastaj i gjithi ky është rezultat i të tërës. Anxhela Peristeri është gocë shumë chill, e bindur në vokalin e saj, mund ta kesh gdhirë dhe prap është në super formë për koncertin e rradhës. Elvana gjata është një artiste që paguhet shumë, ka një skuadër të tërë, ka balerinë të saj, kujdeset per imazhin, foto/video. Capital T gjithashtu, Alban Skënderaj, Noizy, artistë të cilët kanë investuar në karrierën e tyre. Për Capital T mendoja se ishte një fëmijë i llastuar, por ndërkohë ai ishte një nga njerëzit më të rehatshëm në bashkëpunim, nuk ankohej kurrë. Ylli Limani pastaj është një nga ata që i dua fort, i dashur, të ndihmon dhe nuk i thotë kurrë askujt jo për foto apo autografe. Tayna përshembull është shumë e vështirë në menaxhimin me fansat.