Nemo dëshmoi se me të drejtë ishte favoriti i madh i Eurovizionit të sivjetshëm që në fillim, pasi arriti të fitonte, duke grumbulluar gjithsej 591 pikë, nga votat e vendeve, por edhe nga publiku. Kënga e tij e titulluar ‘The Code’ ka arritur të prekë botën teksa flet për seksualitetin dhe rrugëtimin e tij drejt pranimit të identitetit të tij. Nemo identifikohet si një person jo-binar dhe këtë të drejtë të tij për t’u prezantuar dhe për t’u përcaktuar si të dojë, ai vendosi ta prezantojë në skenën e konkursit, me veprën e tij.
Nemo Mettler i lindur më 3 gusht 1999 është një reper, këngëtar dhe muzikant zviceran i lindur në Biel/Bienne, Zvicër. Përveç këndimit, ai luan edhe në violinë, piano dhe bateri. Nemo aktualisht ka nënshkruar me labelin zviceran Bakara Music. Në sezonin e dytë të ‘Masked Singer Switzerland’, Nemo u zbulua si gjithmonë pasi u rendit në vendin e 5-të.
Nemo ka fituar edhe disa çmime. Në vitin 2017, ai mori çmimin Energy Music për Artistin më të Mirë Zviceran dhe Çmimin Prix Walo për Artistin e Ri. Nemo aktualisht ka pesë çmime Swiss Music në emër të tij: një në 2017 për Talentin më të Mirë dhe katër në 2018 për Aktin më të Mirë Solo Mashkull, Aktin më të Mirë Debutues, Aktin më të mirë Live dhe Hitin më të Mirë për këngën “Du”.
Në nëntor 2023, ai njoftoi publikisht në një artikull në SonntagsZeitung se ai identifikohet si një person jo binar dhe kënga “The Code” i referohet kësaj.
“The Code” ka të bëjë me udhëtimin që nisa me të kuptuarit se nuk jam as mashkull, as femër. Gjetja e vetes ka qenë një proces i gjatë dhe shpesh i vështirë për mua. Por asgjë nuk më bën të ndihem më mirë se liria që fitova duke kuptuar se jam një person jobinar ”, ka komentuar artisti i ri.
Nemo vazhdon: “Është një nder i jashtëzakonshëm të jesh në gjendje të përfaqësosh Zvicrën në Eurovision Song Contest. Kjo platformë ofron një mundësi të madhe për të ndërtuar ura midis kulturave dhe brezave të ndryshëm. Kjo është arsyeja pse është shumë e rëndësishme për mua, si një person gjinor queer, të qëndroj në mbrojtje të gjithë komunitetit LGBTI+”
