Loredana Zefin do ta shohim në një dimension tjetër, atë të shkrimtares. Reperja ka zbuluar projektin e ri në Instagram, duke na treguar se ka shkruar historinë e saj dhe ka shpalosur detaje nga jeta private dhe profesionale.
Libri do të publikohet më 18 nëntor dhe do të na zbulojë më shumë detaje edhe nga e kaluara e saj. Në postimin e saj në Instagram, Loredana shkruan:
Sigurisht që të gjithë mund ta konsiderojnë historinë e tyre si më të trishtën, më dramatiken dhe më prekësen. Për mua, historia ime është gjithashtu më e trishta sepse është e imja, e dini? E kam ndier, përjetuar dhe jetuar. Kështu që, mirë se vini në historinë time, të cilën e kam shkruar edhe pse ndonjëherë dhemb të kthehesh në plagët e së kaluarës, t’i përjetosh ato përsëri. Këtu po ndaj përvoja nga jeta ime private, të cilat as në ëndrra nuk do t’i bëja publike më parë. Libri im “Als mein herz brach” (Kur zemra ime u thye) del më 18 nëntor dhe është i disponueshëm kudo.
View this post on Instagram
