Një ndër hapësirat më argëtuese në Web-in e Top Albania Radio-s është edhe horoskopi që çdo ditë vjen ndryshe dhe publiku e pëlqen shumë. Nëse jeni fanatik të parashikimit të horoskopit dhe çdo ditë kontrolloni faqen tonë për të parë shenjën me fat, e dini se ajo shoqërohet edhe me shenjat e personazheve më të dashur të të gjithë shqiptarëve kombëtarë e ndërkombëtarë.
Të gjithë na shkruajnë duke komentuar shenjën me personazhin e preferuar madje ka shumë edhe nga ata që sugjerojnë që të postohet në vazhdim VIP-i që ata duan, bashkangjitur shenjës me fat të ditës. I tillë është dhe rasti i Edrinit, një ndjekës i rregullt i TAR që sot bëri dëshirën e tij realitet.
Jo vetëm fanatik i horoskopit ditor por edhe një fans i zjarrtë i Kozma Dushit. Kushdo që e njeh mirë artistin e di që shenja e tij e horoskopit është Virgjëresha. E kështu, sa herë qëllonte Virgjëresha shenja me fat, Edrini kërkonte me ngulm që mes VIP-ave që i përkasin kësaj shenje të ishte edhe Kozma Dushi.
Sot, Edrinit ju plotësua dëshira e tij që herët në mëngjes me postimin në faqen tonë zyrtare në Instagram ku ai shkruan: “Më në fund”, shenja me fat për sot është Virgjëresha dhe ai i cili shfaqet i pari si përfaqësues i kësaj shenje ishte edhe Kozma Dushi.
Le të shpresojmë që këtë herë fati të mos i ketë shkuar vetëm Kozmait por edhe fansit të tij të zjarrtë.
