Aktivistja e njohur e klimës Greta Thunberg, u ndalua për pak kohë në stacionin e policisë në Oslo për pjesëmarrje në një protestë kundër mullinjve me erë të ndërtuara në tokat indigjene në Norvegji. Thunberg, një mbrojtëse për t’i dhënë fund varësisë së botës nga energjia me bazë karboni, thotë se kalimi në energjinë e gjelbër nuk mund të bëhet në kurriz të të drejtave indigjene.
Në një intervistë për agjencinë e lajmeve Reuters, Greta tha se:
Të drejtat e njerëzve indigjenë, të drejtat e njeriut, duhet të shkojnë paralelisht me mbrojtjen e klimës dhe veprimin ndaj klimës. Nuk mund të ndodhë në kurriz të disa njerëzve. Atëherë nuk është drejtësia klimatike.
Protesta ndodhi për shkak të ndërtimit të dy mullinjve me erë që pushtuan tokën e përdorur tradicionalisht nga samiët indigjenë, barinjtë e renë në Norvegjinë qendrore. 151 turbinat e tyre mund të furnizojnë me energji rreth 100,000 shtëpi norvegjeze. Megjithatë, në vitin 2021, Gjykata e Lartë Norvegjeze vendosi se projektet shkelnin të drejtat e Samiut sipas konventave ndërkombëtare.
Pavarësisht kësaj, mullinjtë e erës kanë mbetur në funksion edhe sot e kësaj dite. Rikujtojmë, se së fundmi Greta Thunberg ka folur për herë të parë që pas arrestimit të influencerit famëkeq Andrew Tate nën akuzën për trafikim qeniesh njerëzore. Greta tha në një intervistë për ABC News se Tate e ka tallur atë pasi ndihej i kërcënuar nga njerëz si ajo.
