Princesha Charlene e Monakos është jashtëzakonisht e lumtur që është kthyer në shtëpi me familjen dhe do të qëndrojë me burrin dhe fëmijët, ka këmbëngulur kunata e saj. 43-vjeçarja, u kthye në principatë javën e kaluar pas një mungese 10-mujore pasi u shërua nga operacioni pas një infeksioni të sinusit që e preku gjatë një udhëtimi bamirësie në vendlindjen e saj Afrikën e Jugut në fillim të këtij viti.
Duke u kthyer në Monako pasi fluturoi me avion privat nga qyteti i Afrikës së Jugut të Durban për në Nice, Charlene pozoi për foto me Princin Albert dhe dy fëmijët e tyre, binjakët 6-vjeçarë Jacques dhe Gabriella. Katër ditë pas kthimit të saj, Chantell Wittstock, kunata e Charlene tha për gazetën e Afrikës së Jugut News24 si më poshtë.
Princesha është jashtëzakonisht e lumtur që është kthyer në shtëpi me familjen e saj.
Kujtojmë, se kanë qarkulluar thashetheme se Charlene mund të mos jetojë në pallatin e burrit të saj Albert pas kthimit të saj në shtëpi dhe nuk planifikon të rifillojë menjëherë angazhimet publike. Megjithatë, Chantell absolutisht i hodhi poshtë pretendimet, duke këmbëngulur se kunata e saj mbretërore do të qëndrojë me burrin dhe fëmijët e saj.
Të shtunën, Alberti u shfaq i vetmuar ndërsa mori pjesë në Ditën Kombëtare të Monakos në Expo 2020 në Dubai pa gruan e tij Charlene. Ndërkohë, atë ditë ai është parë me motrën e tij Princeshën Stephanie dhe djalin e saj Louis Ducruet.
