David Dreshaj është një artist i ri në moshë, i cili për një kohë të shkurtër ka arritur një sukses të madh në fushën profesionale. Së fundmi, Dreshaj ka sjellë këngën me titull “Ta fala”, e cila për vetëm dy ditë ka arritur mbi dy milionë klikime.
Kënga është ritmike, ndërkohë që klipi vjen me disa skena të mrekullueshme. Duket se artisti i ka kushtuar vëmendje çdo detaji për të arritur një rezultat të përsosur. Teksti është tepër romantik, ndërkohë që ende nuk dihet në është dedikim. Deri tani, David nuk ka zbuluar asnjë detaj, por vetëm ka ndarë suksesin e këngës me fansat në rrjete sociale.
“Ta fala” mund ta votoni në The Top List për të përkrahur artistin. Kujtojmë se kënga “Lonely” e David gjendet tashmë në vendin e dytë.
Më parë, këngëtari shqiptar i Malit të Zi, ishte i ftuar në Live From Tirana, ku zbuloi prapaskenat e hiteve të tij muzikore.
