Konsumimi i qumështit mund të rrisë rrezikun e një ataku në zemër, sugjeron një studim i ri. Studimi i kryer nga ekspertët në Universitetin Uppsala në Suedi zbuloi se konsumimi i 400 ml (1.5 gota) qumësht çdo ditë, lidhej me një rrezik pesë për qind më të lartë të sëmundjes koronare të zemrës. Sipas shkencëtarëve, përmbajtja e lartë e laktozës në qumështin e lopës mund të shkaktojë inflamacion të dëmshëm dhe dëmtim qelizor, duke përshpejtuar plakjen e zemrës.
Studimi u krye në 101,000 njerëz për të kuptuar ndikimin e qumështit tek çdo person. U zbulua se rreziku më së shumti ndikoi tek gratë dhe burrat nuk duket se vuajnë të njëjtin efekt. Sulmi në zemër është një nga shkaqet më të zakonshme të vdekjeve në Britani me rreth 2.3 milionë njerëz që vuajnë prej tij. Në Mbretërinë e Bashkuar, njerëzit pinë mesatarisht 1.2 litra qumësht në javë ose afërsisht 171 ml në ditë që është më pak se sasitë që lidhen me rritjen e rrezikut në studim.
Ky studim sugjeron se konsumi më i lartë i qumështit mund të lidhet me një rrezik në rritje të sëmundjeve të zemrës tek gratë. Në mënyrë specifike zbuloi se gratë që pinin 600 ml qumësht në ditë kishin një rrezik 12 për qind më të lartë të problemeve të lidhura me zemrën. Për ata që pinë 800 ml në ditë, rreziku u rrit në 21 për qind. Megjithatë, modelet e konsumit të qumështit mund të ndryshojnë shumë në varësi të zakoneve individuale.
Qumështi konsiderohet të jetë një nga burimet më të shëndetshme të kalciumit, vitaminës D dhe kaliumit dhe ka një bollëk përfitimesh për të ofruar. Nëse edhe ju pini qumësht çdo ditë, atëherë duhet të keni menduar nëse qumështi i ftohtë është më i dobishëm për shëndetin apo qumështi i nxehtë? Ndërsa shumica e njerëzve preferojnë të pinë qumësht të nxehtë, disa mund ta pëlqejnë atë të ftohtë. Sipas ekspertes së dietës Dr Ranjana Singh, pavarësisht nëse qumështi është i ftohtë apo i nxehtë, të dyja janë të dobishme për shëndetin. Të dyja këto lloje qumështi kanë avantazhet e tyre. Nëse duhet të keni qumësht të ftohtë apo të nxehtë varet plotësisht nga stina dhe koha.
