Kylie Jenner u kritikua nga fansat e saj të dashur pasi u shfaq duke injoruar djalin e saj të porsalindur gjatë një postimi emocionues për Ditën e Nënës në mediat sociale. Themeluesja e “Kylie Cosmetics” ndau një foto dhe dy video të vajzës së saj Stormi ndërsa ata ishin në një plazh, por dukej se e përbuzte djalin e saj, i cili lindi në shkurt të këtij viti.
Fotoja e lezetshme shfaqi 4-vjeçaren duke eksploruar plazhin. Kjo u pasua nga një video e Stormi duke hedhur shkopin në det, ndërsa batica zvarritej drejt saj. Më pas ajo ngrohi zemrat e 335 milionë ndjekësve të nënës së saj në Instagram, ndërsa shkroi emrin e saj në rërë përpara se të largohej me zhurmën e valëve që përplaseshin në sfond. Ylli më i ri në moshë i “Keeping Up with the Kardashians” shkroi:
Të jesh nënë e re thjesht do të thotë që jemi takuar pak herët dhe do të të dua edhe pak më gjatë.
Kylie, e cila ndan dy fëmijë me Travis Scott, nuk e ka zbuluar publikisht emrin e djalit të saj, ndërsa fansat nxituan ta komentonin. Një përdorues shkroi:
Mos ki turp Stormi, shkruaj emrin e vëllait.
Ndërsa një tjetër tha:
Po djali yt?!
Një person i tretë komentoi:
Ku është fëmija tjetër? Ti je edhe nëna e tij gjithashtu.
