Kryeministri spanjoll Pedro Sánchez tha se faljet e kërkuara nga Luis Rubiales, President i Federatës Mbretërore të Futbollit Spanjoll (RFEF), për dhënien e një puthjeje të padëshiruar në buzë mesfushorit spanjoll Jennifer Hermoso “nuk janë të mjaftueshme”. Duke iu përgjigjur pyetjeve të gazetarëve të martën, Sánchez tha se “ajo që pamë ishte një gjest i papranueshëm”.
Për sa i përket zotit Rubiales dhe të gjitha polemikat që kanë ndodhur, në radhë të parë besoj se ata, lojtarët, kanë bërë gjithçka për të fituar. Por është e vërtetë që ka pasur disa sjellje, në këtë rast të zotit Rubiales, që tregon se në vendin tonë ka ende një rrugë të gjatë për të bërë në aspektin e barazisë dhe respektit dhe në këtë barazim të të drejtave midis grave dhe burrave. Kërkimet e faljeve nga zoti Rubiales nuk janë të mjaftueshme. Madje mendoj se ato nuk janë të përshtatshme dhe se, për rrjedhojë, zoti Rubiales duhet të vazhdojë të ndërmarrë hapa për të sqaruar atë që pamë të gjithë.
Rubiales dhe Sánchez u takuan më herët të martën dhe shtrënguan duart kur skuadra e Spanjës vizitoi Pallatin Moncloa – rezidenca e kryeministrit spanjoll – për të marrë Medaljen e Artë të Urdhrit Mbretëror të Meritës Sportive.Të hënën, Rubiales pranoi se ai “bëri një gabim” duke i dhënë një puthje në buzë Hermoso-s pasi 33-vjeçarja kishte marrë medaljen e saj fituese pas fitores në finalen e Kupës së Botës për femra ndaj Anglisë.
Rubiales është përballur me kritika të gjera për incidentin, me sjelljen e tij të etiketuar “të papranueshme” dhe “thjesht të neveritshme”.
