Qindra njerëz me kancer të trashëguar të gjirit ose prostatës mund të përfitojnë tani nga një terapi e synuar në NHS në Angli dhe Uells. Ilaçi Olaparib është krijuar për të trajtuar kancere specifike të lidhura me versione të gabuara të gjeneve të njohura si BRCA. Rreth 500 burra me kancer të avancuar të prostatës dhe 300 gra me kancer të hershëm të gjirit HER2-negativ, të cilët janë në rrezik të lartë të rikthimit të sëmundjes do të jenë në gjendje të përdorin olaparib pa pagesë në NHS menjëherë.
Ilaçi synon kanceret me mutacione BRCA 1 ose BRCA 2 dhe funksionon duke ndaluar qelizat e kancerit të jenë në gjendje të riparojnë ADN-në e tyre, gjë që shkakton vdekjen e qelizave kancerogjene. Ekspertët në Institutin e Kërkimit të Kancerit (ICR) e përshkruan vendimin si ndryshues të jetës dhe thonë se ilaçi u jep pacientëve një shans për të jetuar jetë më të gjatë dhe më të shëndetshme.
Johann De Bono, profesor në mjekësinë eksperimentale të kancerit në ICR, tha:
Olaparib është një shembull i rëndësishëm se si të kuptuarit e gjenetikës themelore të pacientëve dhe gjenomikës së tumoreve të tyre, mund të përdoret për të hartuar ilaçe me precizion shumë të synuar. Për pacientët me kancer të avancuar të prostatës dhe mutacione në BRCA1 ose BRCA2, këto rekomandime do të ndryshojnë jetën.
