Shtëpia e famshme e modës Christian Dior mbajti sfilatën e radhës në një kështjellë madhështore në qendër të Skocisë. Vendi ishte mirëmenduar duke qenë se koleksioni i ri frymëzohet nga historia e Skocisë. Stilistja Maria Grazia Chiuri përmendi një libër për Marinë, Mbretëreshën e Skocisë dhe punën e saj të qëndisjes si frymëzim për këtë koleksion të rrallë. Chiuri, e cila shpesh bashkëpunon me emra të mëdhenj të modës për koleksionet e saj punoi me stilisten skoceze Samantha McCoach, e markës Le Kilt, për disa krijime.
![](https://www.balkanweb.com/wp-content/uploads/2024/06/sfilata-tre-1024x576-1.jpg)
“Skocia është një referencë e rëndësishme në botën e modës dhe doja ta sillja në një mënyrë tjetër”-tha Chiuri për revistën e modës Vogue përpara sfilatës. Njëbrirëshi dhe gjembaku, të dyja simbole kombëtare, u përdorën në veshjet e këtij koleksioni po ashtu si edhe një hartë e Skocisë.
![](https://www.balkanweb.com/wp-content/uploads/2024/06/sfilata-2-1024x576-1.jpg)
Modelet mbanin një sërë fustanesh asimetrike, xhaketa të shkurtuara dhe me rripa, pantallona të shkurtra dhe korse, si dhe fustane dantelle ose kadife të ndryshme në gjatësi. Veshjet u plotësuan me çizme të zeza dhe doreza të gjata të zeza. Për të parë këtë sfilatë të veçantë ishin edhe emra të njohur të showbizit Jennifer Laërence dhe Anya Taylor-Joy.
![](https://www.balkanweb.com/wp-content/uploads/2024/06/sfilata-5-1024x576-1.jpg)