Beyonce thuhet se do të zbulojë një tur koncertesh në stadiume në Mbretërinë e Bashkuar për verën e ardhshme, që do të ballafaqohet me turneun e Oasis. Ikona e muzikës thuhet se ka planifikuar tashmë pesë takime në stadiumin Tottenham Hotspur në Londër dhe do të rivalizojë turneun e ribashkimit të grupit ikonik në stadium. Një burim i tha The Sun:
Beyonce është gati! Kërkesa për bileta do të jetë njësoj si për Oasis dhe do të rivalizojë nxitimin e fansave për të kapur një vend. Oasis dhe Beyonce janë të nivelit të lartë dhe kërkesa për bileta do të jetë e madhe.
Mbi shtatë milionë njerëz u përpoqën të merrnin biletat e Oasis dhe fansat e Beyonce do të jenë gjithashtu në gatishmëri. Vera e vitit 2025 do të jetë plot me artistë të mëdhenj që do të mbushin arenat në Mbretërinë e Bashkuar pasi Dua Lipa, Billie Eilish, Usher dhe Sabrina Carpenter gjithashtu thuhet se po planifikojnë koncerte live vitin e ardhshëm. Burimi i brendshëm shpjegoi:
Nxitja e ekonomisë do të jetë fenomenale.
Grupi legjendar britanik Oasis, që ka lënë gjurmë të pashlyeshme në muzikë me hite si “Wonderwall” dhe “Don’t Look Back in Anger,” ka njoftuar ribashkimin për një turne, duke i dhënë fund një periudhë të gjatë shkëputjeje. Turneu do të nisë më 4 korrik të vitit 2025 në Uells dhe do të përfundojë më 17 gusht në Dublin. Oasis u ndanë në vitin 2009 pas shumë vitesh grindjesh të brendshme mes dy vëllezërve Liam dhe Noel Gallagher, kur ky i fundit la grupin disa minuta përpara performancës në një festival afër Parisit. Grupi flitet se do të shtojnë edhe më shumë koncerte në turneun e tyre 17-ditor të ribashkimit, në përpjekje për t’i bërë fansat e tyre të lumtur. Vëllezërit Gallagher po mendojnë të shtojnë më shumë koncerte në kuadër të turneut të verës së ardhshme, në mënyrë që fansat të mos zhgënjehen. Adhuruesit e muzikës mbetën të zemëruar me të kuptuar se biletat për 17 datat u shitën të gjitha brenda disa orësh, me një furi pritjeje në radhë për tetë orë, problemeve teknike dhe rritjeve tronditëse të çmimeve.
