Vetëm pak orë na ndajnë nga nisja e muajit të shenjtë të Ramazanit, teksa urimin për myslimanët e bëri edhe kryeministri Edi Rama.
Ai shkruan se kjo është një kohë reflektimi dhe dhembshurie shpirtërore.
“Një kohë reflektimi, dhembshurie e rritjeje shpirtërore nis sonte për besimtarët muslimanë🌔 Sjelltë ky muaj i tyre i shenjtë afrim në besim dhe ndriçim të brendshëm në rrugën e tyre dhe të të gjithëve bashkë, me paqe dhe bekime🤝 Ushqeftë kjo ngjarje vjetore shpirtin e unitetit dhe përkushtimit ndaj tjetrit, pa dallim e përjashtim, duke pastruar e pasuruar mendjet e zemrat e këtij vendi që sot ka nevojë të rritet dhe ngjitet lart në krahët e të gjithëve❤️ Ramazan të paqtë e bujar🌙”, shkruan Rama.
