Aktori i njohur Zac Efron ka folur së fundmi për komentet që i ndjeri Matthew Perry kishte bërë dikur për të. I ndjeri dikur kishte shprehur dëshirën që aktori ta luante atë në një film biografik. Efron shkoi në tapetin e kuq në premierën e Dallasit të filmit të tij të ri biografik The Iron Caw, në Teatrin e Teksasit dhe foli me Cassie DiLaura të ET për vdekjen tragjike të Perry.
Matthew ishte djali më i mirë në botë. Kam kaluar momentin më të mirë të jetës sime duke punuar me të.
Dyshja luajtën së bashku në komedinë 2009 17 Again, në të cilën Efron luajti një version adoleshent të personazhit të Perry. Një shoqe e ngushtë e Perry-t, Athenna Crosby e cila darkoi me aktorin një ditë para vdekjes së tij i tha ET në një intervistë në fillim të këtij muaji se aktori donte të bënte një film për jetën e tij dhe shpresonte që Efron të luante një version më të ri të tij duke i bërë jehonë të kaluarës së tyre të përbashkët. Në lidhje me këtë deklaratë, Efron u shpreh se:
E kam dëgjuar këtë, është një nder i madh. Fakti që ai po mendonte për mua për atë rol, dua të them se do të isha i nderuar ta bëja, të jem i sinqertë.
Rikujtojmë, se Perry u gjet pa jetë në një vaskë në shtëpinë e tij në Los Anxhelos, Kaliforni, më 28 tetor. I ndjeri ka lënë pas prindërit e tij, John Bennett Perry dhe Suzanne Morrison. Funerali i të ndjerit u mbajt më 3 nëntor, në Forest Lawn Memorial Park. Miqtë dhe të afërmit ishin të pranishëm, përfshirë edhe 5 yjet e “Friends” dhe të gjithë u emocionuan kur dëgjuan këngën që u mbajt në ceremoni. Ishte kënga e Peter Gabriel e vitit 1986 “Don’t Give Up”, me Kate Bush. Teksti kishte këto fjalë: “Mos u dorëzo, se ke miq. Mos u dorëzo, nuk je vetëm. Mos u dorëzo, nuk ka pse të kesh turp. Mos u dorëzo, na ke akoma”.
