Këngëtari i njohur Aaron Carter u gjet së fundmi i vdekur në shtëpinë e tij. Reperi 34-vjeçar u gjet i pajetë në vaskën e tij. Forcat lokale të rendit u thirrën në vendngjarje, duke përfshirë detektivë të vrasjeve. Rreth orës 11:00 të ditës së shtunë, pati një telefonatë 911 që raportoi incidentin e një mashkulli që ishte mbytur brenda një vaskë. Nuk dihet nëse Aaron Carter kishte ndonjë substancë në organizmin e tij.
Një hetim i duhur për detajet e vdekjes së reperit është ende në vazhdim. Ndërkaq, së fundmi Nick Carter iu drejtua marrëdhënies së tij të komplikuar me vëllanë e ndjerë, Aaron Carter, në një shkrim emocionues në rrjetin e tij social Instagram pas vdekjes tragjike të këngëtarit.
Zemra ime është thyer sot. Edhe pse vëllai im dhe unë kemi pasur një marrëdhënie të komplikuar, dashuria ime për të nuk është zbehur kurrë. Gjithmonë kam mbajtur shpresën, se ai do të donte disi, një ditë të ecte në një rrugë të shëndetshme dhe përfundimisht të gjente ndihmën që kishte aq shumë nevojë. Ndonjëherë duam të fajësojmë dikë ose diçka për një humbje. Por e vërteta është se varësia dhe sëmundja mendore është keqbërësi i vërtetë këtu. Do të më mungojë vëllai im më shumë nga ç’do ta dijë ndonjëherë. Të dua…tani ke mundësinë të kesh më në fund një paqe që nuk do ta gjeje kurrë këtu në tokë… Zot, të lutem kujdesu për vëllanë tim të vogël.
Rikujtojmë, se reperi ka lënë pas një djalë, Prince Lyric Carter, të cilin e mirëpriti në nëntor 2021 me partneren e tij të re, Melanie Martin.
