Kanceri i gjuhës, i njohur ndryshe me termin mjekësor karcinoma orofaringale, është një ndër llojet më të dhimbshëm të kancerit. Ai është gjithashtu shumë i vështirë për t’u dalluar, sidomos në fazat e para të tij. Sipas statistikave, kanceri i gjuhës prek kryesisht meshkujt, por vitet e fundit është rritur ndjeshëm edhe numri i grave që preken nga kanceri i gjuhës dhe ai orofaringal.
![](https://www.topalbaniaradio.com/v7/wp-content/uploads/2022/07/708.jpg)
Ashtu si çdo sëmundje tjetër, kanceri, në fazën fillestare, manifestohet përmes simptomave që tregojnë se diçka nuk po shkon ashtu siç duhet. Nëse dyshoni se keni kancer në gjuhë, kushtojini rëndësi pesë simptomave të mëposhtme:
1. Plagë në gjuhë
Shfaqja e plagëve në gjuhë është një nga simptomat e para të kancerit të gjuhës dhe atij të orofaringut. Zakonisht këto plagë janë shumë të dhimbshme dhe të bezdisshme të cilat zgjasin për një kohë të gjatë, prandaj bëni mirë t’i kapni në kohë dhe të mos i ngatërroni me herpesat labialë.
2. Dhimbje
Dhimbja e shkaktuar nga kanceri i gjuhës nuk kufizohet vetëm në këtë zonë, por prek edhe pjesë të tjera të gojës dhe fytit. Nëse keni shumë dhimbje gjatë pirjes së ujit, gëlltitjes apo përtypjes kontaktoni menjëherë me një mjek, pasi mund të jenë tregues të kësaj patologjie.
3. Njolla në gjuhë
Nëse vini re që në gjuhë ju shfaqen njolla të bardha (leukoplakia) ose të kuqe (eritroplakia) të cilat zgjasin më shumë se dy javë konsultoheni menjëherë me mjekun tuaj, për të kuptuar se çfarë është.
4. Erë e keqe e gojës
Era e keqe e gojës ose halitoza është një tjetër simptomë e kancerit të gojës që nuk duhet ta injoroni.
5. Gjurma gjaku në gjuhë
Shumë njerëz vënë re njolla gjaku në gjaku në gjuhë dhe mendojnë se ndodh për shkak të gjakderdhjes të mishrave të dhëmbëve, por nuk është ky rasti. Pastroni gjuhën pas ngrënies ose larjes së dhëmbëve me një garzë pambuku që të kuptoni nga vjen gjaku dhe kontaktoni mjekun tuaj.