Kim Kardashian ka zyrtarisht në duar një tjetër aktivitet të njërit prej fëmijëve të saj. Themeluesja e “Skims”, 43-vjeçe, zbuloi se ajo ‘më në fund’ e lejoi atë dhe djalin 8-vjeçar të Kanye West, Saint, të krijonte një kanal në YouTube. Por, ajo nuk e miratoi këtë pa i shtuar më parë disa rregulla. Kim bëri me dije në rrjete sociale se Saint iu lejua të bashkohej në YouTube ‘pas nënshkrimit të një kontrate të gjerë’.
Në një postim tjetër që tregon një foto të kontratës të shkruar me dorë, ajo paralajmëroi se “më mirë të mos e shkelë”. Marrëveshja, e cila duket se është shkruar nga vetë Kim, thotë se është një kontratë midis Saint West dhe Kim Kardashian e datës 3 shtator 2024 dhe ka kushte rreth familjes, duke përfshirë motrën më të madhe, North West, 11vjeçe. “Unë, Saint West, pranoj të ndjek rregullat e nënës time për të pasur një kanal në YouTube”-thuhet në kontratë.
“Nuk më lejohet të komentoj asnjë informacion personal familjar. Nuk më lejohet të filmoj asnjë informacion personal. Nuk më lejohet të filmoj derisa North është duke bërë muzikë”. Ndërsa mbishkrimi i Kim mbulon disa nga dokumentet, shënimi vazhdon të shpjegojë se Saint duhet të kërkojë leje sa herë që dëshiron të ndajë diçka në kanalin e tij.
Kardashian zbuloi së fundmi se fëmijët e saj përpiqen ta ndihmojnë të gjejë një partner, por ajo nuk është ende gati. 43-vjeçarja është pyetur për jetën e saj sentimentale nga Jimmy në “The Tonight Show Starring Jimmy Fallon”. “Çfarë po ndodh me jetën tënde sentimentale? A po del me dikë?”-e pyeti Jimmy drejtpërdrejt, pasi bisedoi me Kim për karrierën e saj në rritje si aktore.
“Oh, mendova se po flisje për një skenë dashurie në një shfaqje”-u përgjigj Kim duke shkaktuar të qeshura në mesin e publikut në New York City. “Jo”, shtoi ajo. “Je beqare?”, pyeti Jimmy. “Po”, konfirmoi Kim. “Është shumë qesharake sepse fëmijët e mi përpiqen të më gjejnë një partner, sikur janë të gatshëm tani, por unë nuk jam”-tha Kim, e cila ka katër fëmijë me ish partnerin, Kanye West.
