Ajo është një ndër artistet më të dashura të publikut e cila kurrë nuk ka zhgënjyer me projektet muzikore që ka lançuar. Përkundrazi, çdo këngë që Kida ka nxjerrë është shndërruar menjëherë në një hit që nuk ka munguar as në klasifikimin e 100 këngëve moderne shqiptare.
Pak kohë më parë, Kida ka konfirmuar që do të vinte me një bashkëpunim muzikor me artistin gjerman Samra. Dyshja ishin në Dubai ku përmes një postimi në rrjetet sociale konfirmuan prurjen e tyre të re.
Kënga quhet “Lila” por ende nuk ka një datë se kur do të publikohet duke bërë që fansat të humbasin durimin dhe të kërkojnë që të lançohet sa më shpejt. Kida i ka nxitur edhe më shumë ata pasi publikoi pak momente nga kënga ritmike.
Edhe pse e dimë se ky bashkëpunim do të dalë shumë shpejt dhe me siguri do të bëhet një ndër hitet e kësaj vere. Por, fansat e zjarrtë të tyre duket se nuk mund të presin më.
