Ditën e djeshme, Kiara Tito dhe Luiz Ejlli janë bërë prindër për herë të parë. Lajmin e bukur e kanë ndarë menjëherë me ndjekësit e tyre në rrjetet sociale. Moderatorja dhe këngëtari janë bërë prindër të një vajze, të cilën e kanë pagëzuar me emrin e veçantë, Luna Mari. Ata postuan foton e parë në profilet e tyre në “Instagram”, ku shfaqeshin duart e tyre teksa mbanin dorën e vogëlushes së porsalindur.
View this post on Instagram
Ndërkohë ditën e sotme, ish-banorja e “Big Brother VIP2” ka postuar një foto të ëmbël në “Instastory”, ku shfaqet Luizi teksa mban në krah të voglën. Këngëtari duket shumë i lumtur me të bijën në krah, e cila i dha emrin baba për herë të parë.
Rikujtojmë gjithashtu se para pak javësh Kiara ka qenë e ftuar në emisionin e Bora Zemanit, ajo ka zbuluar më shumë detaje në lidhje me muajt e fundit të shtatzënisë, emrin e vajzës dhe planet e familjes. E pyetur për martesën e saj, Bora e ka ngacmuar pak për mbiemrin gjë të cilën Kiara e la të paqartë. E nëse do të ketë një dasmë të tretë Kiara u shpreh se mund të ketë.
Bora: Tito e ke mbiemrin akoma?
Kiara: Tito e kam në Instagram, Kiara Ejlli jam për familjen
Bora: Po në pasaport?
Kiara: Po ku e kam pasaportën ma tregoni pak
Bora: A do presim pak më vonë një dasmë tjetër më të madhe?
Kiara: Dasmë me 7 milionë shqiptarë nuk besoj se do bëjmë më kështu që mendoj se ajo ka qenë e vecantë si dihet ndoshta kur vajza të mbush 1 vjec ose pak më para mund të bëjmë dicka po si dihet…
