“Social Top 5” është një rubrikë e emisionit “Live From Tirana” që sjell vëmendjen tek personazhet e famshëm, qofshin ata shqiptarë apo të huaj. Teksa të gjithë jemi gjithë sy e veshë se çfarë postojnë yjet në rrjete sociale, kjo ndikon dhe tek numri i tyre i ndjekësve në Instagram. Le t’i hedhim një sy personazheve që kanë fituar më shumë ndjekës brenda kësaj jave…
Pas pjesëmarrjes në “Big Brother VIP 3”, Ilnisa Agolli rikthehet sërish në ekranin e Top Channel. Këtë herë me një emision të sajin. Podcasti “Flet” me Ilnisa Agolli në Top Channel dhe Top Albania Radio, një hapësirë ku fjala takohet me njeriun. Me të ftuar nga fusha të ndryshme; nga politika, kultura, arti dhe jo vetëm. Ilnisa këtë javë ka humbur 1 mijë ndjekës dhe numëron tani 132K.
Këngëtarja e njohur Dafina Zeqiri ka bërë me dije se albumi i saj i fundit, “The Absolute Vol. II”, do të publikohet më 12 dhjetor. Ky projekt muzikor i përbërë nga 12 këngë pritet të tërheqë vëmendjen e fansave dhe të audiencës së gjerë, duke përfshirë disa bashkëpunime të veçanta. Dafina këtë javë nuk ka ndryshuar në numrin e ndjekësve dhe numëron sërish 2 milionë fansa në Instagram.
Kiara Titon e shohim tanimë çdo të diel në ekranin e Top Channel si një nga moderatoret e show-t të humorit “Portokalli”. Natyrisht që fansat e saj dhe publiku e kanë pritur mjaft mirë këtë rikthim të sajin në ekran. Kiara ka fituar 1 mijë ndjekës dhe tani numëron 841K.
Në librin e saj autobiografik “When My Heart Broke”, Loredana Zefi ka ndarë për herë të parë periudhën e vështirë të kaluar pas ndarjes nga këngëtari Mozzik. Ajo ka zbuluar se pas këtij momenti të dhimbshëm, ka përjetuar një depresion të thellë, që ka ndikuar edhe në shëndetin e saj fizik. Loredana, njësoj si javën e kaluar, numëron sërish 3.1 milionë ndjekës.
Ledri Vula, në një intervistë të bërë së fundmi, ka folur më shumë mbi ish-partneren e tij, Sara Hoxha, ndarjen e tyre, si dhe për vajzën Poem Blu, duke dhënë shumë detaje të pazbuluara më parë. Ledri nuk ka ndryshuar në numrin e tij të ndjekësve, duke numëruar sërish 1.6M fansa.
