Ka disa njerëz që në fundjavë thjesht duan të shtrihen në divan, me TV para, por edhe nga ata që kanë gjithmonë plane gati për t’u argëtuar dhe për të kaluar një ditë apo fundjavë ndryshe. Ky është një tipar i personalitetit të tyre dhe përpara se të jenë njerëz që kanë qejf daljet dhe argëtimin, ata janë thjesht shumë dashamirës me të gjithë.
Ja cilat janë këto tre shenja!
Binjakët
Nëse dikush do t’ju marrë në mbrëmje për të ngrënë një darkë në minutë të fundit, ata janë Binjakët. Sa herë që të lindurit e kësaj shenje ndihen të mërzitur, ata do të “lëvizin” çdo gurë dhe kontakt mes miqve për të gjetur dikë që të kalojë disa orë ndryshe. Binjakët shijojnë shumë edhe idenë e bisedave në grup apo takimet në një rreth të gjerë miqësor. Nëse nuk jeni të sigurt se çfarë do të bëni gjatë kësaj fundjave, jepini vetëm disa sekonda një miku/e të shenjës së Binjakëve dhe do të keni të planifikuar me detaje gjithçka.
Virgjëresha
Le ta pranojmë që nëse nuk do të ishte për të dashurin/ën tuaj të shenjës së Virgjëreshës, ndoshta ju nuk do të dilnit kurrë nga shtëpia. Virgjëreshat njihen për aftësitë e tyre organizative dhe vëmendjen ndaj detajeve. Nëse nuk e keni të qartë nëse doni të shihni një film në darkë apo të shijoni një darkë, prisni sugjerime nga të lindurit e kësaj shenje. Virgjëreshat kanë një shqetësim të lindur për mirëqenien e miqve të tyre, ndaj planifikimi me detaje i situatave dhe gjërave të ndryshme është një nga pikat e forta të të lindurve të kësaj shenje.
Bricjapi
Bricjapët nuk presin asnjëherë që të tjerët të kenë plane për ta, por e bëjnë gjithçka vetë. Nëse ata duan të investojnë në hapjen e një lokali të ri, të shohin një film, të blejnë diçka të re, ata dinë ta bëjnë këtë gjë shumë mirë sipas mënyrës së tyre.Ashtu si shenjat e tjera të Tokës, Bricjapët janë të orientuar drejt detajeve dhe organizimeve perfekte dhe kjo është arsyeja pse ata shpesh e gjejnë veten në role drejtuese, madje edhe në mjediset shoqërore.
