Më shumë se 70 gra janë “martuar” me pemët për të protestuar kundër shpyllëzimit të tyre në Mbretërinë e Bashkuar. Organizatorët mjedisorë planifikuan ceremoninë në përgjigje të një aplikimi planifikimi që do të ndërtojë 166 apartamente aty ku aktualisht ndodhen 74 pemë në qytetin e Bristol.
Çdo nuse mbante veshur fustane nusërie nga një numër i kulturave të ndryshme. Edhe pse martesa nuk është ligjërisht e detyrueshme, gratë janë të sigurta se po e bëjnë zërin e tyre të dëgjohet në luftën për të ruajtur natyrën. Aktivistja dhe njëkohësisht ‘nusja e sapomartuar’, Suzan Hackett, tha se:
Të martohesh me një pemë është një privilegj absolut. Nuk është vetëm një gjest sentimental, është shumë domethënës dhe simbolik. Pemët janë shembuj të pastër të dashurisë së pakushtëzuar, e cila përshtatet aq bukur me të gjithë idenë e martesës. Martesa është për jetën, frymëmarrja është për jetën.
Në vitin 2020, Mbretëria e Bashkuar humbi 4,150 hektarë nga pyjet e saj natyrore, shpesh për të hapur rrugën për ndërtimet private. Suzan vazhdon të shpjegojë:
Bristol ka nevojë për më shumë pemë sesa për banesa luksoze private.
Dasma nderoi një histori të mbrojtjes së mjedisit të udhëhequr nga gratë. Ideja e martesës me një pjesë të mjedisit tonë natyror ka ngritur skepticizëm dhe tallje në disa pjesë të diskursit që rrethon këtë ngjarje. Një përdorues i Twitter ka thënë se:
Unë me të vërtetë nuk dua të jem më pjesë e kësaj bote. A ka ndonjë planet normal përreth ku mund të shkoj?
Por frymëzimi për të vjen nga një histori e pasur e lidhjes dhe mbrojtjes së mjedisit. Në 1970, lëvizja Chipko e Indisë u bë një grup ekologjik jo i dhunshëm me famë botërore, ku grupet e grave “përqafuan” pemët për të mbrojtur pyjet nga prerjet.
