Të planifikosh një martesë nuk është një vendim shumë i lehtë. Ka kaq shumë detaje që duhet të merrni parasysh, por ka edhe detaje më të rëndësishme siç është veshja.
Fustani i nusërisë është një nga pjesët themelore të kësaj ngjarje të rëndësishme sepse do të përqendrohen të gjithë sytë te veshja dhe pamja juaj, përveç kësaj do të jetë veshja më e paharrueshme e jetës tuaj.
Kur bëhet fjalë për zgjedhjen e fustanit, ju mund të ndiheni të humbur në mesin e shumë opsioneve dhe nën presion për të zgjedhur të përsosurin.
Por mos u stresoni, ne do ju tregojmë cilat janë disa nga gabimet që duhet të shmangni kur zgjidhni një fustan nusërie.
Zgjidheni disa kohë më përpara fustanin e nusërisë
Këshillohet ta zgjidhni atë 6 muaj më parë pasi modifikimet dhe rregullimet kërkojnë kohë. Nëse jeni shumë kuriozë dhe zgjidhni veshjen tuaj sa më shpejt, ju me siguri do të hasni në dizajne të tjera që mund t’ju pëlqejnë më shumë sesa fustani që keni porositur.
Sjellja e njerëzve përreth kur zgjidhni një fustan
Edhe pse ndoshta dëshironi të keni miratimin e nënës, motrave, miqve, tezeve, etj. Fustani i dasmës nuk ka të bëjë me atë se a u pëlqen të tjerëve, por ka të bëjë me preferencën tuaj. Nëse do ta zgjidhni bashkë me njerëz përreth do të ndikoheni nga shumë mendime të ndryshme dhe mund të humbni gjurmët e asaj që po kërkoni.
Të mos jesh realiste në lidhje me buxhetin tuaj
Një gjë që mund t’ju ndodhë kur të gjeni fustanin tuaj të përsosur është se ju nuk mund të jeni në gjendje ta përballoni atë. Tentimi për diçka që është shumë përtej asaj që mund të përballoni, do të shkaktojë vetëm zhgënjim. Kjo është arsyeja pse është më mirë të përshtateni me opsione praktike, megjithëse nuk duhet t’i përmbaheni verbërisht një çmimi ose të vendosni për një ofertë. Mos harroni se veshja më e mirë nuk është më e shtrenjta gjëja më e rëndësishme është që ta dëshironi atë.
Aksesorët
Edhe nëse pjesa kryesore e ditës suaj të madhe është veshja juaj, gjatë zgjedhjes së saj duhet të keni parasysh pjesën tjetër të aksesorëve që do të vendosni, pasi ato do të plotësojnë pamjen tuaj. Po kështu, këshillohet që t’i zgjidhni pasi të keni vendosur për fustanin tuaj.
Provoni shumë fustane
Ndoshta kjo do të shkaktojë më shumë konfuzion sesa siguri pasi do të humbisni në mijëra opsione dhe do të harroni atë që po kërkoni në fillim. Rekomandohet që të provoni disa stile dhe kur të keni gjetur të duhurin për ju, mos hezitoni ta blini para se të filloni të dyshoni në vetvete.
Mos bini pre e shitëses, duke marrë atë që dyqani do të shesë
Edhe nëse punëtorët e dyqaneve ju japin këshilla dhe ju tregojnë se çfarë duket më mirë në bazë të përvojës dhe profesionalizmit të tyre, ata janë gjithashtu shitës dhe, në fund të ditës, një nga qëllimet e tyre është të bëjnë një shitje. Pra, nëse nuk jeni plotësisht të sigurt, mos u mashtroni nga truket e marketingut dhe ndiqni gjithmonë intuitën tuaj, kjo do t’ju njoftojë kur të keni gjetur veshjen tuaj të përsosur.
