Veshkat kanë një sërë rolesh të rëndësishme në trupin tuaj, duke përfshirë eliminimin e substancave të dëmshme nga gjaku, balancimin e lëngjeve, presionit të gjakut dhe largimin e barnave nga trupi. Sëmundja e veshkave mund të jetë një diagnozë që ndryshon jetën, prandaj është e rëndësishme të jetosh një mënyrë jetese që mbështet shëndetin e këtij organi të rëndësishëm.
Nëse dyshoni se keni probleme me veshkat, ushqimi i mirë dhe një dietë e duhur janë esenciale për ju që të qëndroni të shëndetshëm. Kjo nënkupton se ju duhet ta kufizoni ngrënien e disa ushqimeve, sikurse bananet, sepse ato përmbajnë nivel të lartë të kaliumit, që nënkupton se mund të jenë të dëmshme për ata që kanë probleme me veshkat.
Mesatarisht, një i rritur duhet të marrë 3.500 deri në 4.700 mg kalium nga ushqimet dhe mesatarisht një banane përmban 537 mg (150 gr). Por nëse vuani nga sëmundja në veshka, sasia e kaliumit që merrni duhet të jetë më e ulët, pasi trupi juaj nuk mund të arrijë të filtrojë tepricën, e cila mund të çojë në çështje serioze shëndetësore.
Bananet janë një nga frutat më të shijshme që njerëzit në mbarë botën i duan. Bananet dihet se ofrojnë energji të menjëhershme dhe janë të ngarkuara me shumë lëndë ushqyese thelbësore. Një banane mesatare përmban rreth 3 gram fibra dhe shtimi i saj në një tas me tërshërë mund t’ju ndihmojë jo vetëm të përmirësoni sistemin tuaj të tretjes, por gjithashtu të rrisë ndjenjën e ngopjes dhe të mbështesë rregullsinë.
